श्रम ऐन २०७४ को दफा ११३ बमोजिम श्रमिकलाइ यस ऐन, नियमावली, प्रचलित कानून वा सामूहिक सम्झौता बमोजिम प्राप्त हक सम्बन्धी कुनै विषयमा व्यक्तिगत दावी भएमा त्यस्तो श्रमिकले रोजगारदाता समक्ष लिखित निवेदन दिन सक्नेछ।
श्रम ऐन २०७४ को दफा ११३ को उपदफा (१) बमोजिम निवेदन परेको सात दिन भित्र रोजगारदाताले छलफलका लागि सूचना नदिएमा वा ऐ ऐनको दफा ११३ को उपदफा (३) बमोजिम छलफल गर्दा सहमति हुन नसकेमा रोजगारदाता समक्ष शुरु निवेदन परेको १५ दिन पछि ऐ ऐनको दफा ११४ बमोजिम व्यक्तिगत दाबी मेलमिलापद्वारा समाधान गर्न सम्बन्धित पक्षले श्रम तथा रोजगारकार्यालय समक्ष निवेदन दिन सक्नेछ।
उजुरी निवेदनको ढाँचा यहाँबाट डाउनलोड गर्नुहोस्
व्यक्तिगत दाबी निवेदन श्रम तथा रोजगार कार्यालयमा दर्ता गराउदा देहायका कागजात संलग्न गरी पेश गर्नु पर्नेछ।
निवेदकको नागरिकताको प्रतिलिपि
काम गरेको प्रतिष्ठानले उपलब्ध गराएको परिचय पत्रको प्रतिलिपि
नियुक्तिपत्र वा पछिल्लो तलब बुझेको बैंक स्टेटमेन्ट
आफ्नो दाबी सम्बन्धी स्पष्ट हिसाब
तलब स्केल
पाउनुपर्ने तलब, उपदान, संचयकोषवापतको रकम स्पष्ट हिसाब
एक भन्दा बढी निवेदक भएको अवस्थामा सबैको नाम थर, सम्पर्क नम्बर, इमेल ठेगाना(उपलब्ध भएमा)
