वि.सं:
नेपाल संवत: ११४५ चौलाथ्व षष्ठी - ६
वि.सं:
नेपाल संवत: ११४५ चौलाथ्व षष्ठी - ६
श्रमिक आपूर्ति गर्ने उदेश्यले स्थापना भएको कुनै पनि प्रतिष्ठानले श्रम तथा व्यवसायजन्य सुरक्षा विभाग वा आफ्नो क्षेत्रको श्रम तथा रोजगार कार्यालयबाट श्रमिक आपूर्तिकर्ताको इजाजपत्र लिनुपर्दछ। त्यस्तो प्रतिष्ठानले आफ्नो प्रबन्ध-पत्रको उदेश्यमा नेपाल सरकारद्वारा मिति २०७५/०६/२९ मा नेपाल राजपत्र (भाग ५, संख्या ३२) मा प्रकाशित भएको उदेश्यहरु उल्लेख गर्नुपर्दछ।
श्रम ऐन २०७४ को दफा ५८ (श्रमिक आपूर्तिकर्ता कम्पनीको इजाजतपत्र तथा नवीकरण प्रकृया व्यवस्थापन सम्बन्धी निर्देशिका, २०८१ को दफा ३)बमोजिम देहायका कामको सूची बमोजिम श्रमिकहरुलाइ काममा लगाउन सकिन्छ।
|
१. |
सुरक्षा सेवाः |
सुरक्षा श्रमिक। |
|
२. |
सहजकारी सेवाः |
सबै प्रकारका सरसफार्इ तथा फोहोर व्यवस्थापनलाइ आवश्यक श्रमिक बगैंचा व्यवसथापन गर्ने, माली लगायत कृषि श्रमिक कार्यालय सहायक(चिया तथा खाजा तयार गर्ने वा म्यासेन्जर सेवा) क्यान्टिन तथा क्याटरिङ श्रमिक। |
|
३. |
व्यवसाय सहयोग सेवाः |
चालक, परिचालक, लोड अनलोड, सामानको ओसारपसार तथा भण्डारण व्यवस्थापन गर्ने श्रमिक मर्मत, सम्भार, प्राविधिक सहयोग तथा परामर्श प्रादन गर्ने श्रमिक, प्लम्बर, इलेक्ट्रिसियन, डकर्मी, सिकर्मी लगायतका निर्माण श्रमिक। |
|
४. |
घरेलु सहयोगी सेवाः |
हाउसमेड, केयर गिभर लगायतका घरेलु श्रमिक। |
** नोटः श्रम ऐन २०७४ को दफा ५९ को उपदफा ४ बमोजिम माथि दिइएका सूची मध्ये कुनै दुइ सेवाको मात्र श्रमिक आपूर्तिकर्ताको इजाजत लिन पाइनेछ।
श्रम ऐन २०७४ को दफा ५९ बमोजिम श्रमिक आपूर्ति गर्न चाहने कम्पनी(कानून बमोजिम स्थापना भएको कम्पनी)ले यस ऐन बमोजिम इजाजतपत्र लिनु पर्नेछ। त्यस्तो कम्पनीले श्रम नियमावली २०७५ को नियम २७ को उपनियम (२) (श्रमिक आपूर्तिकर्ता कम्पनीको इजाजतपत्र तथा नवीकरण प्रकृया व्यवस्थापन सम्बन्धी निर्देशिका, २०८१ को दफा ४) बमोजिम देहायका कागजात सहित आफ्नो क्षेत्रको श्रम तथा रोजगार कार्यालयमा आवेदन दिन सक्नेछन्। एक भन्दा बढी कार्य क्षेत्रमा श्रमिक आपूर्ति गर्न चाहने कम्पनीले श्रम तथा व्यवसायजन्य सुरक्षा विभागमा तोकिएको ढाँचामा निवेदन दिनु पर्नेछ।
क) कम्पनी दर्ता प्रमाणपत्रको प्रमाणित प्रतिलिपि - (नोटरी गरीएको)
ख) कम्पनीको प्रबन्धपत्र र नियमावलीको प्रमाणित प्रतिलिपि- (नोटरी गरीएको)
ग) कम्पनीको प्रमाणित अद्यावधिक शेयर लगत - (नोटरी गरीएको)
घ) स्थायी लेखा नम्बर वा मूल्य अभिबृद्धि कर दर्ता प्रमाणपत्रको प्रमाणित प्रतिलिपि - (नोटरी गरीएको)
ङ) प्रचलित कानून बमोजिम नेपाल सरकारलाई तिर्नुपर्ने कर वा राजस्व चुक्ता गरेको प्रमाण (निस्सा),
च) सामाजिक सुरक्षा कोषमा दर्ता भएको प्रमाणपत्रको प्रमाणित प्रतिलिपि - (नोटरी गरीएको)
छ) कम्पनीका संचालकहरुको नागरिकता प्रमाणपत्रको प्रमाणित प्रतिलिपि - (नोटरी गरीएको)
ज) कम्पनीका संचालकहरुको सम्पर्क विवरण
|
क्र.सं. |
नाम थर |
ठेगाना |
सम्पर्क नं. |
इमेल |
|
|
|
|
|
|
झ) कुन काम वा सेवाको लागि श्रमिक आपूर्ति गर्न चाहेको हो सो को विवरण,
ञ) संस्थापक वा संचालकले आफू कुनै नैतिक पतन नदेखिने फौजदारी अभियोगमा अदालतबाट सजाएं नपाएको र प्रचलित कानून बमोजिम कालो सूचीमा नपरेको स्वघोषणा पत्र - हरेक संचालकहरुको छुट्टा छुटै पत्र
ट) कम्पनी संचालक बाहेक अन्य व्यक्ति विभाग वा कार्यालयमा इजाजतपत्र सम्बन्धी काम गर्न आउँदा कम्पनीले निजलाई आधिकारिक प्रतिनिधि तोकिएको निर्णय, निजको नाम, ठेगाना, नागरिकता प्रमाणपत्रको प्रतिलिपि र सम्पर्क नं.,
ठ) अख्तियार प्राप्त व्यक्तिको परिचय खुल्ने आधिकारिक निकायबाट जारी परिचयपत्रको प्रमाणित प्रतिलिपि,
ड) सुरक्षा गार्ड आपूर्ति गर्ने उदेश्य भएमा कम्पनी रजिष्ट्रारको कार्यालयबाट राय माग गरिएको पत्रको प्रतिलिपि।
**नयाँ दर्ताको आवेदन फाराम यहाँबाट डाउनलोड गर्नुहोस्।
** अनलाइनबाट श्रमिक आपूर्तिकर्ता इजाजतपत्र दर्ता तथा नविकरण यहाँ क्लिक गर्नुहोस्। **
श्रम नियमावली २०७५ को नियम ३० को उपनियम १ बमोजिम नियम २८ (श्रमिक आपूर्तिकर्ता कम्पनीको इजाजतपत्र तथा नवीकरण प्रकृया व्यवस्थापन सम्बन्धी निर्देशिका, २०८१ को दफा ६)बमोजिम इजाजत प्राप्त कम्पनीले आफूले प्राप्त गरेको इजाजपत्र नवीकरण गराउन प्रत्येक वर्ष असोज मसान्त भित्र देहायका कागजात सहित आफ्नो क्षेत्रको श्रम तथा रोजगार कार्यालयमा आवेदन दिन सक्नेछन्।
क. वित्तिय अडिट प्रतिवेदन
ख. अघिल्लो आ.व. को कर चुक्ता प्रमाणपत्र
ग. श्रम अडिट प्रतिवेदन
घ. गत आ.व.मा आपूर्ति गरिएका श्रमिकहरुको विवरण
|
क्र.सं. |
श्रमिकको नाम |
पद |
आपूर्ति गरिएको प्रतिष्ठानको नाम |
मुख्य रोजगारदाताको नाम |
कैफियत |
|
१ |
|
|
|
|
|
ङ. तलबी विवरण
च. वार्षिक मुनाफाको १०% वोनस वितरण गरेको विवरण
छ. स्वघोषणाको पत्र
ज. कम्पनीको विवरण
झ. सामाजिक सुरक्षा कोषको विवरण
ञ. श्रम इजाजतपत्रको प्रमाणित प्रतिलिपि
ट. सुरक्षा गार्ड आपूर्ति गर्ने आपूर्तिकर्ताको हकमा जिल्ला प्रशासन कार्यालयको पुनः कार्य सञ्चालनको अनुमति पत्र।
**नविकरणको आवेदन फाराम यहाँबाट डाउनलोड गर्नुहोस्।
** अनलाइनबाट श्रमिक आपूर्तिकर्ता इजाजतपत्र दर्ता तथा नविकरण यहाँ क्लिक गर्नुहोस्। **